المدونة التالية
كافة المدونات

ياريتنى ما اتفرجت على ميلودى

كتبهاali aliwa ، في 23 أغسطس 2007 الساعة: 16:04 م

النهاردة قولت ارطب عينية واسمعلى اغنيتين على اى قناة اغانى اهو نشوف حاجة طرية وجات الاغنية المناسبة للموقف وكانت على قناة ميلودى ولما كانت الاغنية خلاص هتخلص والموزة اللى بتغنى قصدى الفنانة خلاص بتنهى الفقرة بتاعة العرض بشوية دلع وفرفشة نزلت لتحت بنظرى طبعا مش على رجلين الموزة لا راحت للشريط اللى تحت اللى بيكون علية الرسايل وكانت مفاجاءة ورسالة حب عميقة من موزة برضو دة فرضيا يعنى قالت فيها انا بحب تامر حسنى جدا جدا لانة حلو وقمر وراجل بمعنى الكلمة مش عارف لية الكلام دة حز فى نفسيتى جدا مش لانها قالت انة حلو ولا لانة قمر لا سمح اللة لان دى حاجة واضحة جدا للعين المجردة من كل حاجة بس هو موضوع الرجولة نفسة خلانى افتكرت الحكم الى حكمتة المحكمة الجنائية علية لما القاضى قالها مدوية وبصراحة انة تم الحكم بسنة والناس بدات تصرخ ونص موزز مصر بدا يجيلها انهيار فى مشاعرها المرهفة بحب تامر وزى ما يكون القاضى حس رجع قال مع وقف التنفيذ مع وقف التنفيذ ليةيا حضرة القاضى دة الراجل اوى دة على راى صاحبة الرسالة زور قال اية وقف التنفيذ دة حفاظا على مستقبلة حفاظا على مستقبلة ولانة يعتبر ندوة قصدى قدوة للشباب طيب دة شىءجميل واللهى دة شى جميل وربنا ومش عارف لية ساعتها عقلى الوحش قالى خلاص يا واد يا علوة روح اضربللك ورقتين واسرقللك سرقتين عادى بقة بس قبل الحكومة ما تعرف حاجة عنك ولا تقفشك اطلع غنيللك غنوتين كدة واعمللك شعبية وبرضو عقلى الوحش قالى طيب ما الحكاية عادى اهو اومال لية سجنو الراجل اللى اكتر شعبية من الف تامر حسنى ايمن نور مش هما برضو قالو عنة انة زور هو دة تزوير ودة تزوير ولا فى فرق فى الوان الورق وبرضو افتكرت دلوقتى عمنا طلعت السادات اللى اتسجن علشان كلمة ما كتبهاش لا دة يدوب قالها مش عارف لية عقلى الوحش قالى كل الكلام دة لما قريت الرسالة بتاعة عاشقة تامر حسنى هو عقلى لوحدة هو اللى وحش ولا اية على العموم ربنا يخلى جمعة قصدى تامر ويهنى تامر بعاشقة تامر بس ياريت لو يفرجوا عن ايمن نور بلاش حفاظا على مستقبلة على الاقل حفاظا على حياتة وقشطة كدة وياريتى ما اتفرجت على ميلودى

أضف الى مفضلتك
  • del.icio.us
  • Digg
  • Facebook
  • Google
  • LinkedIn
  • Live
  • MySpace
  • StumbleUpon
  • Technorati
  • TwitThis
  • YahooMyWeb

ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج  |   دوّن الإدراج  

14 تعليق على “ياريتنى ما اتفرجت على ميلودى”

  1. هبه خطاب قال:
    أغسطس 26th, 2007 at 26 أغسطس 2007 8:59 م

    على

    احسن حاجة انك فى النهاية لم تشاهد ميلودى

  2. وثائق خطرة - رفقي نصار عزيز عبدالله قال:
    أغسطس 27th, 2007 at 27 أغسطس 2007 10:08 م

    يا عم دة الناس عملوله يافطة ب100000 جنيه و هو في السجن…كان هرباتن من الخدمة العسكرية (اللي هي للرجالة)

    أنا سبت لك رد على تعليقك في مدونتي…إبقى تعالى شوفه.

    رفقي

  3. ali aliwa قال:
    أغسطس 28th, 2007 at 28 أغسطس 2007 5:07 م

    واللهى عندك حق يا هبة ولو حصل واتفرجت تانى عليها مش هقرا الكلام الى يخلى الواحد يتغم دة

  4. ali aliwa قال:
    أغسطس 28th, 2007 at 28 أغسطس 2007 5:10 م

    مساء الفل يا رفقى باشا والخدمة العسكرية فعلا للرجالة ولو انى اتحرمت من انى ااديها مش با ارادتى صحيح ومن غير تزوير وربنا وهنعمل اية وبا النسبة لليافطة اللى ب100000 مفيش تعليق وان شاء اللة هشوف ردك فى مدونتك على تعليقى

  5. عابر سبيل قال:
    سبتمبر 1st, 2007 at 1 سبتمبر 2007 3:54 م

    حية للمصري

    ملاحظة بسيطة أنتم أهل العربية الفصحة فلم التخلي عنها؟

  6. ali aliwa قال:
    سبتمبر 1st, 2007 at 1 سبتمبر 2007 6:50 م

    عندك حق فى موضوع العربية الفصحى بس مش كل الناس بتفهم العربية الفصحى انا نفسى مش بحب اتكلم بيها ولا اكتب بيها غير فى بعض الاوقات التى تستوجب عليا ذاللك والعامية هيا لغة الشعوب مش الفصحى

  7. دكتورة هند قال:
    سبتمبر 2nd, 2007 at 2 سبتمبر 2007 2:18 م

    مرحبا

    تقبل تحياتي

  8. ali aliwa قال:
    سبتمبر 2nd, 2007 at 2 سبتمبر 2007 7:23 م

    نورتينى دكتور ة هند وشكرا على مرورك

  9. sama قال:
    سبتمبر 3rd, 2007 at 3 سبتمبر 2007 8:28 ص

    قرأت موضوعك هذا في صفحتك الأخرى ” غير الموثقة ”

    وقد أسرني فعلا قلمك السهل الممتنع الذي يغنيك بتعابيره المصرية المعبرة

    وأفكارك ذات الطرح الراقي تنبيء أن ورائها ” إنسان ” رقيق و ” مصري ” محب فعلا

    لكل مايستحق الحب ..

    قرأت لك أيضا موضوع ” الجماهيرية العربية الليبية …….. ”

    وقد آلمني جدا جدا فهو يخبيء بين سطوره دموع على الكرامة والكبرياء التي راحت هدرا

    عند نقاط الحدود .. أحسست بكل كلمة وكل حرف فيها رغم أني لم أعايش موقفا كهذا

    ولا حتى قريبا منه .. لكن أتدري ؟ إنه قلمك مرة خرى .. يصل لقلوبنا بهذه التعابير العفوية

    المصرية الجميلة .. وتلك الروح الرقيقه التي تُملي للقلم بأن يكتب !

    قرأت لك قصة صلاح الدين ولكن في الحقيقة لم أكمله لإمتلاءه بأسماء صريحة لا أعرفهم بصراحه .. لأنني لست مصرية ولا أتابع الأخبار كثيرا ..

    قرأت وقرأت .. وأعجبني جدا ما تكتب ، وأتمنى أن أقرأ لك المزيد …

    تقديري العمييييييييق لك .

  10. ali aliwa قال:
    سبتمبر 3rd, 2007 at 3 سبتمبر 2007 2:00 م

    شكرا يا سما على زيارتك لمدونتى البسيطة على بلوجر وكلماتك الرقيقة دى الجميلة فى حق العبد للة الفقير اللى هو انا وارجو انى اكون عند حسن ظنك بيا دايما وبا النسبة للاشخاص اللى انا كتبت عليهم فى المدونة دول ناس بتحب مصر جدا جدا ومنهم اتعرفت على الدنيا الساسية وحبيت اقولهم انى فعلا مدين ليهم بكدة بس بطريقة تانية عن طريق حوار دار بين وبين ظابط حوار طبعا مش حقيقى بس تخيلت فية نفسى بفتن عليهم على اساس انهم ناس مش بتحبهم الحكومة ولا الحكومة بتحبهم بس هما بيحبو مصر جدا جدا ولو كانت هناك فرصة ابعتللك الجريدة اللى بيكتبوا فيها هتحبيهم جدا جدا ويا ريت تزورى المدونة تانى وتقرى الجزء الاول من موضوع صلاح الدين اكيد هينول اعجابك وشكرا على تشريفك مدونتى

  11. sama قال:
    سبتمبر 3rd, 2007 at 3 سبتمبر 2007 7:24 م

    قرأت موضوع صلاح الدين الجزء الأول

    وأمتعني جدا خيالك الواسع وأسلوبك المرح

    جمييييييييل ياعلي

    لا أدري وأنا أقرأ .. كنت بين ضحك وبكاء ، تكتب بمستوى أكثر من رااائع

    تكتب بروح أكثر من نقية وأكثر من قريبة وأكثر من بريئة

    فعلا أعجبني جدا

    سأقرأ لك دائما وبإنتظار كل جديد تكتبه

    دمت مبدعا ورقيقا وصادقا ياعلي

  12. ali aliwa قال:
    سبتمبر 5th, 2007 at 5 سبتمبر 2007 12:57 م

    تسلمى يا سما يجميلة يا رقيقة وان شاء الله اكون عند حسن ظنك دايما يارب

  13. مجهول قال:
    سبتمبر 5th, 2007 at 5 سبتمبر 2007 7:12 م

    Warm welcome to Alnemat TheGrace Arabic Christian Internet Magazine, We love you! Please visit us at:

    http://www.TheGrace.net

    http://www.TheGrace.org

    http://www.TheGrace.com

    نتمنى لكم الفرح والسلام والمحبة لأن السلام افضل من الحرب والمحبة افضل من الكراهية كما ان النور أفضل من الظلمة

    سلام لكم في محبة الله.نتأمل زياراتكم الكريمة لموقع النعمة موقع مجلة النعمة يقدم كلمة الله الكتاب المقدس الإنجيل رسالة السيد يسوع المسيح قراءات مختارة مواضيع مصيرية قصص واقعية شهادات شخصية ترانيم ممتازة ردود مؤكدة كتب بنّاءة رسوم تسالي تأملات يوميات

    Bible Read search in Arabic Studys Stories Testimonies Hymns and Poems Answers Books Links Daily devotions Acappella Music Graphics /

    Alnemat Journal Arabe Chrétien La Grâce la Revue Arabe sur Internet offre La Sainte Bible Al-Injil L’Evangile de Jésus Christ gratuit, Bienvenue a La Grâce.

    Arabic Christian Magazine The Grace offering the Arabic Bible النعمة تقدم الإنجيل الكتاب المقدس

  14. ali aliwa قال:
    سبتمبر 8th, 2007 at 8 سبتمبر 2007 2:44 م

    ان شاء اللة هزو ر موقعكم على الاقل نتعرف اكتر من خلالكم على عيسى علية السلام وشكرا لزيارتكم مدونتى البسيطة



اكتب تعليــقك
الإسم الذي سيظهر على التعليق
مشتركي مكتوب
اسم آخر

« الشرطة فى خدمة الشعب
جايللك يا ابو صلاح »