مع المدعو شوشو
انا ايه يا شوشو ماللك ايه اللى عامل فيك كده
شوشو رمضان بقه كل سنه وانت طيب يا علوه
انا شكللك مش واخد راحتك انت فى الحبسه دى ولا عارف توسوس ولا توقع الناس فى بعضيها مش متظبط يا نجم
شوشو معلش يا سيدى اهو شهر نستحملوه با الطول ولا با العرض اهو منه راحه واستجمام واسترجاع نشاط
انا ايه بس اللى جاب سيره الترجيع والقرف ده بس تصدق يا شوش انت طلعت صايع بجد كنت عارف انك هتتسلسل علشان كده ظبط ليك اتباع بره السجن تعمل اللى انت مش قادر تعمله وانت فى السجن
شوشو عملوا ايه فرحنى اشجينى ايوه كده خلى الواحد يسمع خبر كويس من ساعه ما اتسجنت وكلها اخبار مزفته اشى دة قرر يصوم السنه دى وده خلاص هيصلى وده تاب اخبار مهببه
انا يعنى انت مش عارف وبتتلائم عليا زى عوايدك يا شوش
شوشو لا وحياه ما انت مظبطنى وساعات بضحك عليك ومش بتصلى وكتير بخليك تعاكس بنات الناس وحيات كل سيئاتك اللى انا كنت السبب فيها ما عارف انت بتتكلم عن ايه
انا يعنى انت ما تعرفش موضوع المحاكمه بتاعه ابراهيم عيسى وعادل حموده ووائل الابراشى وعبد الحليم قنديل واللى حصل فيها
شوشو اعرف عن المحاكمه بس ما اعرفش عن الحكم حاجه ايه هو اتحكم عليهم خلاص قول فرحنى انا كنت خايف لايكون بعدى عن النظام الحاكم يكون حنن قلبه وبدا يفهم ويستوعب وكنت خايف اوى لايكون بدا يحس دى تبقى مصيبه ما بعدها مصيبه بس كده اطمنت انى سايب ورايا شياطين رجاله
انا شياطين ايه يا عم دول شكلهم هيطلعوا اجدع من استاذهم اللى هو حضرتك ده الحكم صدر فى كام يوم وبسرعه البرق وبطريقه اهيف من الهيافه
شوشو يستاهلو حد قالهم يطاولوا على الرئيس المنتخب وابنه وكمان يجيبوا سيره صحته الغاليه على كل مواطن فى البلد
انا ايه يا ابو ابليس حيللك حيللك انت هتكدب الكدبه وتصدقها ولا ايه رئيس منتخب ايه يا عمنا هو انت مش حضرتك مهندس عمليات التزوير ولا ايه ولا شكللك كبرت والمشاوير دى اتعملت من ورا ظهرك وبعدين هو حد جاب سيره صحه سيادته بحاجه بطاله الناس كان نفسها تتطمن وبتسال
شوشو من ورا ظهرى ايه يا علوه حاسب ده انا بنفسى كنت بمضى الورق المزور بنفسى وبشمع الصناديق با ايدى دى اللى هياكلها الدود وهقوللك على حاجه مش هتصدقها انا بنفسى كنت بفرز الاصوات وبغير فيها على مزاجى وبعدين تعالى هنا قولى مين كان قال لابراهيم ووائل وعادل وعبدالحليم يحبوا البلد دى وهما مالهم بديمقراطيه ولا صحه ولا مواصلات ولا بيئه ولا ناس مالهم هما ما يسيبوا البلد للى عارفين مصلحتها
انا ومين بقه اللى عارفين مصلحتها يا شوش قول منكم نستفيد يا معلم
شوشو خد عندك السيد الرئيس المنتخب با العند فيكم ولى عهد المملكه قصدى الجمهوريه زى ما بتحبوا تقولوا جمال مبارك والسيد احمد باشا عز وجميع الاهل والاصدقاء با الحزب الوطنى الشقيق والساده رجال الاعمال بتوع الحزب والساده رؤساء تحرير الصحف القوميه الحكوميه والساده الوزراء والسيد الممثل خالد صالح فى عماره يعقوبيان كل دول ولوعاوز كمان اقوللك مش تقولى عبدا الحليم وابراهيم ووائل وعادل ناقص كمان تقولى هيكل وايمن نور وطلعت السادات وهشام البسطويسى ومحمد سعد فى اللى بالى باللك وروسية الشعب
انا شكللك خلاص السجن اسر على عيونك الدبلى يا معلم وما بقيتش تشوف خالص وكمان بقيت تنسى عاوز تعد اللى بيحبوا البلد عد شهداء راحوا فدا ترابها عد المعتقلين فى معتقلاتها عد المنفيين بره حدودها عد الناس الغلابه عد واوعاك توقف عد لانها دايما بتطرح وتولد ولاد بتحبها اكتر بكتير اوى من اللى بيكرهها
شوشو ايه يا علوه انت جاى تنغص عليا سجنى ولا ايه خلاص يا معلم عرفنا بس انا راجع وهرجع اقوى من الاول طمن احبابى وخوف اعدائى قولهم انى راجع
انا ماشى يا معلم هبلغهم رسالتك ويمكن ترجع تلاقى الحال اتغير والحاكم بقى محكوم والظالم سيف العدل طاله فى يوم (فما بين غمضه عين وانفراجتها يغير الله من حال الى حال )سلام يا ابوالشياطين وليا كلام تانى معاك هنقلب فى القديم يمكن نستفيد من التجارب القديمه سلام يا عاشق الظلمه
كتبها ali aliwa في 09:47 مساءً ::
11 تعليق
في29,أيلول,2007 - 02:30 مساءً, خالد محروس عثمان كتبها ...
الله ، والله موضوع ظريف جدا ومضحك جدا ياعلي ، ربنا يكفينا شر الشيطان في رمضان وغير رمضان ، وبعدين قل له يطمن ، شياطين الانس قايمين باللازم ، تحياتي (لك طبعا مش للشياطين ، هههههه) .
في29,أيلول,2007 - 06:43 مساءً, ali aliwa كتبها ...
نورتنى اخى خالد ويكفينا فعلا شياطين الانس وكل عام واحنا موجودين وسط الشياطين
في29,أيلول,2007 - 07:00 مساءً, ابراهيم النمس كتبها ...
أحــتـاجــك
كم إحتجتك ولم أجدك ؟!.
إحتجت لمواساتك للمست يديك,لهمسك لتهدء من روعي وترسل السكينة لنفسي. .
إحتجت لعينيك لتخبرني بأنني حبك وأجمل ماحدث لك في حياتك.
فأين قلبك ليخبرني إنني مازلت أسكن فيه و إنه مملكتي؟؟,
أحتاج لشفتيك لتقول لي إنك قريبا مني ولقلبي أقرب من الوريد اليك
أريدك معي لتبعد عني ومني الخوف ومن
وحدتا طالت ومن ليلا لا نهاية له برغمأ حب لليلي وأمقت حبي له لأنني أعيشه بدونك حبيبي...
فمتى أجدك و تسمع صرخة عقلي ونداء عيني وقلبي؟؟..
فروحي تريدك حتى بعد الممات لتعانق روحك...
أعرف أطلب المستحيل ولكن ليس بيدي حيلة فحبك نقش على صدري ...
فهل تستجيب له أم ستظل صامتا كما كنت في الماضي البعيد القريب؟؟!!..
حبيبي أقسم بالذي زرع حبك في أعماقي إنني أحبك وسأحبك حتى بعد أن يوارى جسدي الثرى..
فلا تبقى صامتا رفقا بحبا عاش طويلا في الظلام......
في29,أيلول,2007 - 07:18 مساءً, ali aliwa كتبها ...
نورتنى عم ابراهيم بس انا كنت احتاجك تقول رايك فى البوست وراى فى بوستك هقوله فى مدونتك صح يا جميل
في08,تشرين الأول,2007 - 11:01 مساءً, ريما الشيخ كتبها ...
اخي الكريم /علي
أسلوبك جميل جدا
لم أقراه الا في مدونتك هذه
جميل أن تحمل قضية بأسلوب ساخر
يضحك ويبكي في الوقت ذاته
كل عام وأنت بألف خير
في10,تشرين الأول,2007 - 03:03 صباحاً, المستبدة كتبها ...
ali aliwa
اسلوب رااااااااائع جدااااااا وهادف
مشكور عليه وعلى طريقة كتابته بالابدلع ده
سلمت يمناك ودمت بالف خير
في12,تشرين الأول,2007 - 12:26 مساءً, انتصار عبد المنعم كتبها ...
عيــــد سعيــــــد
كل عام وأنت بخير وصحة وسلام
في20,تشرين الأول,2007 - 09:17 صباحاً, ali aliwa كتبها ...
ريما الشيخ نورتينى ويا رب دايما اكون عند حسن ظنك
في20,تشرين الأول,2007 - 09:18 صباحاً, ali aliwa كتبها ...
شكرا يا مستبده على تشريفك واسف اوى على تاخرى فى الردود يا جماعه كان النت غير موجود با الخدمه وشكرا تانى يا مستبده
في20,تشرين الأول,2007 - 09:19 صباحاً, ali aliwa كتبها ...
انتصار كل سنه وانتى طيبه انتى كمان وكل عام والناس بخير
في20,تشرين الأول,2007 - 09:59 صباحاً, ريما الشيخ كتبها ...
اخي الكريم علي
أشكرك من كل قلبي على كلماتك
وبالطبع سآخذ النصيحة بعين الاعتبار
أشكرك اخي من كل قلبي
جزاك الله كل خير